عنوان الكلام انا فين ترد تقول فى مصر
ادينى اماره ولو بالاشاره هات بواب عماره ولا فررجى ولا خضارجى يصدق كلامك
الطماطم بكام وليها احترام فى كل الطبيخ تقدر تقولى اللحمه بكام
طيب وماله بلاش الطبيخ واكل الفسيخ وربطة سبانخ وشقة بطيخ
ياسيدى ممازح ماهو الهم سارح على التعبنين تقدر تقولى سعادتك بكام وليك احترام
فى سوق البياعه تعرض بضاعه ماليها حدود ولا حتى تراب الجدود
سعادتك تمانع نشوف الحقيقه مع كل احترام
فى سوق السياسه وكل النوايب
تمن الارض كام تعالى نشوف سعادته بايعها لمين
اسئل وجاوب من يوم ماكنت احارب لغاية النهارده باعوها بكام
اقولك سلام على مصر السلام
كفايه شبعنا من كاس المر ام