سامى أبوزيد عضو جديد
عدد المساهمات : 3 تاريخ التسجيل : 26/11/2009
| موضوع: نفسى .......... الخميس ديسمبر 31, 2009 3:10 pm | |
| خاطره
إقرأوها بالعامية
سألتنى ... نفسك فى إيه مع العام الجديد ؟
رديت عليها ... قلتلها ...
نفسي أمسحلك دموعك
نفسي انورلك شموعك
نفسي أرسم بسمة فــ عيون الصبايا
نفسي اشوف الفرحة فــ عيون الحيارى
نفسي اشوف نيلك بيروى كل أرض
نفسي اصونك واحمى كل عرض
نفسي اشوف الشرطي والمواطن أخوة
نفسي اشوف فــ ابنك شهامة ونخوة
نفسي اشوف انتخابات نزيهة وحره
نفسي اشوف وزير بيتنحى .. لما يغلط زى بره
نفسي يتحاسب كل مسئول.. مش هزار
نفسي يطلع النهار
نفسي ما شوفشى فيكى كوسة
نفسي فــ وزارة متحطناش فـــ ألف حوسه
نفسي اشوف شعبك حاكم لنفسه
نفسي اشوف كل صاحب رأى مش بيتهدد بحبسه
نفسي اشوف كل الشوارع نضيفة
نفسي تتغير كل نفس طماعة وتكون عفيفة
نفسي ما شوفشى فيكى عاطل
نفسي ما شوفشى فيكى فاسد ولا باطل
نفسي اشوف فيكى أبحاث وعلم
نفسي احقق أي حلم
نفسي اشنق كل غاصب اغتصب طفلة وفتاة
نفسي ارجع الحياة
نفسي اجيبلك حته م السما
نفسي اشوف ف كل دار حب وهنا
نفسي أرضك تبقى لابنك
مش للغريب اللي جاى يرضع فــ حضنك
نفسي اشوف أمتي محمد وعيسى
مايفراؤش بين أي جامع أو كنيسة
نفسي ياما تصرخي وتقولي آاااااااااااااه
الفساد وصل بينا لأقصى منتهاه
نفسي فــ صرخة تصحي كل ضمير
نفسي اشوف أرضك ماليها الخير
نفسي فــ صرخة تصحي كل ولادك
نفسي اشوف صحوة عبادك
نفسي اشوف مصر الآبية ف توب جديد
نفسي ونفسي ونفسى ييجى يوم العيد
سامى أبوزيد
| |
|