حزب الاصلاح و التنمية هو حزب سياسى مصرى أنشأه مجموعة من الشباب المخلص لوطنه بهدف اشتراك المواطنين فى الحياة السياسية و مواجهة الفساد و العمل على بناء حياة كريمة لنا جميعا فى و طننا الحبيب مصر
 
الرئيسيةالتسجيلدخول

شاطر | 
 

 تعالوا نصالح مصر

اذهب الى الأسفل 
كاتب الموضوعرسالة
سامى أبوزيد
عضو جديد
avatar

عدد المساهمات : 3
تاريخ التسجيل : 26/11/2009

مُساهمةموضوع: تعالوا نصالح مصر   الجمعة ديسمبر 18, 2009 4:01 am


أيوه العنوان مظبوط ... ( نصالح مصر)


هتقوللى هيا مصر هيا اللى زعلانه .. أنا عاوز مصر هيا اللى تصالحنى


هقولك طبعا هيا اللى زعلانه


لأنك معملتش حاجة علشان مصر تصالحك


فى ناس فاهمة إن مصر هيا الحكومة


لا طبعا ... مصر مش هيا الحكومة


مصر دى بلدنا


مصر هيا ولادنا وأحفادنا .. مصر هيا أهالينا وذوينا .. مصر هيا ماضينا وحاضرنا ومستقبلنا


مصر هيا تاريخنا


مصر هيا أرضنا


اللى ربنا خلقنا من ترابها وبنعيش فوق ترابها وبنموت علشان ترابها وبنندفن فى ترابها


تعالوا نتكلم بصراحة


لما نييجى نكلم بعضنا فى أحوال بلدنا


كل واحد فينا يقولك .. البلد خربانه .. البلد بايظه


وبنفضل ننتقد الحكومات ... لكن مفيش حد فينا بينتقد ذاته


مفيش حد فينا بيسأل نفسه .. طيب أنا عملت إيه علشان نصلح بلدنا ؟!!


صحيح إن سوء تخطيط الحكومات من أهم الأسباب اللى أخرتنا وتسببت فى سوء أحوالنا


لكن مين المفروض إنه بيحاسب الحكومات على سؤ تخطيطها


المفروض طبعا مجلس الشعب


لكن أنا بسأل نفسى وبسأل حضرتك .. هل شاركنا فى اختيار مجلس الشعب ؟!!


طبعا .. لأ


علشان كده بسأل ... إحنا كمواطنين فين من كل ده ؟!!!


إحنا أصبحنا متفرجين.. أصبحنا سلبيين


وعلشان كده أنا بقول إن احنا كمان كمواطنين مشاركين إلى حد كبير فيما وصلنا إليه


قال تعالى


( إن الله لا يغير ما بقوم حتى يغيروا ما بأنفسهم )


صدق الله العظيم


وعلى فكره احنا هنتحاسب أمام ربنا عن سلبيتنا دى


واسألوا رجال الدين لو مش مصدقين


بنعانى من مشاكل كثيرة


الفساد .. تدهور التعليم .. البطالة .. تعاظم نسبة الفقر .. إلخ


طيب إيه السبب فى كل ده


كثيرا ما ننادى بالإصلاح


إصلاح سياسى .. إصلاح إقتصادى .. إصلاح اجتماعى


ولكن الإصلاح محتاج إلى آليات


وأهم هذه الآليات


هى تشكيل برلمان قوى


لأن البرلمان ( مجلسى الشعب والشورى ) هو اللى بيشرع القوانين


وهو اللى بيراقب آداء الحكومة


بوجود برلمان قوى هنقدر نشرع قوانين لصالح الشعب مش لصالح رجال الأعمال


أو لصالح أشخاص معينين


بوجود برلمان قوى هيكون فيه مراقبة حقيقية ومحاسبة جادة لآداء وخطط الحكومة


طيب إزاى هنشكل برلمان قوى


هو ده دورنا بقى كشعب


يعنى إيه ؟ !!


يعنى نتخلى عن سلبيتنا


يعنى نكون شعب إيجابى


يعنى نتخلى عن خصامنا لصندوق الإنتخابات


يعنى بلاش نترك الساحة الإنتخابية للتزوير وشراء الإصوات والبلطجه


يعنى نعبر عن إرادتنا الحقيقية


أنا عارف كل اللى حضراتكم هتقولوه


فيه حد هيقوللى .. ياعم انتخابات أيه .. اللى هما عاوزينه هيعملوه


وحد تانى هيقوللى .. طالما فيه تزوير فى الانتخابات يبقى إيه الفايده ؟


وحد تالت هيقوللى .. أروح الإنتخابات وأبهدل نفسى عــ الفاضى


صحيح كل ده حصل فى انتخابات كتير قبل كده .. أنا معترف بده


لكن تفتكروا أن البديل هو إننا نقاطع صندوق الانتخابات كنوع من أنواع الإحتجاج


طيب ما احنا مقاطعين صندوق الانتخابات من زمان .. كانت إيه النتيجة ؟!!!


إذا شاركنا كلنا فى التصويت


هتقل جدا فرص التزوير ... النهارده هو بيقدر يزور بسهوله علشان المشاركين فى التصويت قله قليلة وأغلبهم


ممن يبيعون أصواتهم للحاجة والعوز


لكن لما يبقى نسبة المشاركين كبيره جدا .. هيصعب عليهم عمليات التزوير وسوف تتقلص إلى حد كبير


ومش هيقدروا يشتروا أصوات وإرادة كل الشعب


أما بخصوص مراقبة الانتخابات


منظمات المجتمع المدنى تُعد من الآن مراقبون للإنتخابات القادمة


مراقبون مدربون على أعلى مستوى


لسه مش مصدقين إننا ممكن نعمل حاجة


طيب اسمعوا الحكاية دى


كان فيه حوار بين أحد أصدقائى وبين رجل كندى


الرجل الكندى بيسأل صديقى .. هيا إيه مشاكلكم اللى بتعانوا منها فى بلدكم


فطبعا صديقى حكى له عن كل مشاكلنا واللى كلكم عارفينها


الراجل الكندى قالوا بس كده ... ده احنا كنا بنعانى أكتر منكم بكتير



صديقى قال له طيب إزاى حصل عندكم كل التغيير ده بالرغم من أننا لم نسمع عن ثورة فى كندا أو انقلاب أو أى


حاجه من دى


فرد الرجل الكندى وقال .. أبدا كل الحكاية إن احنا صممنا كشعب عن التخلى عن مقاطعة صندوق الانتخابات ونزلنا


كلنا ندلى بأصواتنا


فتم القضاء على كل مظاهر التزوير وبيع الأصوات وقدرنا نشكل برلمان قوى ودى كانت البداية...


ليه احنا ما نستفيدش من تجارب الآخرين


تعالوا نجرب مش هنخسر حاجة


على الأقل نكون أخلينا مسؤليتنا أمام الله عز وجل


وان حتى خسرنا


مصر تستحق مننا كتير ..


فيه غيرنا كتير ضحوا بحياتهم علشان خاطر تراب مصر


أنا مش طالب منك إنك تضحى بحياتك


ولا طالب منك أنك تقف فى مظاهرة ولا حتى وقفة احتجاجية


كل اللى طالبه إنك تضحى بساعات قليلة من وقتك كل كام سنه


علشان تعبر عن إرادتك من خلال صندوق الانتخابات


تعالوا نسجل أنفسنا فى جداول الانتخابات عندما يُعلن عن فتح باب التسجيل


لكن فيه حاجة أهم من المشاركة .. وهى الإختيار الصحيح


تعالوا نثقف أنفسنا سياسيا من الآن علشان نقدر نختار صح ..


علشان نختار الأصلح .. نختار النموذج اللى يمثلنا فى


البرلمان .. نختار اللى هيكون لسان حالنا


تعالوا نحقق إرادتنا


تعالوا نرضى ضمائرنا


تعالوا نخلص مصر وندفع مهرها


مش ممكن نسيبها للديابة إللى بتنهش لحمها


تعالوا نصــــالح مصر


**********************


سامى أبوزيد








































































































































































































الرجوع الى أعلى الصفحة اذهب الى الأسفل
حنان
عضو
avatar

عدد المساهمات : 35
تاريخ التسجيل : 17/12/2009

مُساهمةموضوع: رد: تعالوا نصالح مصر   الجمعة ديسمبر 18, 2009 7:02 am

نصاالحها ونبوس كمان على رأسها
دى بلدى ولها فى عينى دمعة وفى قلبى دار
لكن بصراحة عمرى ما ادليت بصوتى بأى انتخابات
وبصراحة ماراح انتخب غير لما يكون الاسلوب زى ما بنشوف بالدول الآخرى
مش بلطجية وشوم
الرجوع الى أعلى الصفحة اذهب الى الأسفل
وسام سامي
عضو جديد


عدد المساهمات : 3
تاريخ التسجيل : 25/02/2010

مُساهمةموضوع: رد: تعالوا نصالح مصر   الخميس فبراير 25, 2010 12:47 pm

السلام عليكم ورحمة الله

جميل ما كتبت حضرتك

يجب علينا جميعا مصالحتها وبأقصى سرعة
بالعمل على التغيير
تغيير كل شيء
بدءاً من أنفسنا مرورا بشوارع بلدنا ومدارسنا وحكومتنا

اقتباس :
علشان كده بسأل ... إحنا كمواطنين فين من كل ده ؟!!!

هناك تلك المنظومة ، منظومة التغييب مقصودة أو ليست مقصودة ، لكنها موجودة

منذ الصغر ومنذ أن تتفتح مداركنا ندور في دوامة التعليم
استذكار للدروس ودروس خصوصية فأجازة من الدراسة للعب واللهو
حتى تلك العطلة 80% من طلاب وتلاميذ مصر يقضونها في مصاييف وتلفزيون وأغاني !

لا يتعلمون سباحة ولا رماية ولا ركوب لخيل
والسباحة والرماية وركوب الخيل ما هي إلا رمز لكل ما ينمي مواهبنا ومواهب اولادنا

يجب علينا إعادة ترتيب حياتنا واهتمامتنا وكيفية تربية أبناءنا

شكرا لك
الرجوع الى أعلى الصفحة اذهب الى الأسفل
 
تعالوا نصالح مصر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حزب الإصلاح والتنمية :: المنتدى السياسى :: بأقلام الأعضـــاء-
انتقل الى: